Գյումրու թիվ 4 դպրոցը հիմնադրվել է 1968 թվականին: Գործունեության տասնամյակների ընթացքում հաստատությունը ձևավորել է կայուն կրթական ավանդույթներ՝ դառնալով համայնքի մշակութային առանցքային կենտրոններից մեկը: Դպրոցի շենքային պայմաններն ու նյութատեխնիկական բազան պարբերաբար արդիականացվել են՝ համապատասխանեցվելով ժամանակակից կրթական պահանջներին: ՀՀ կառավարության 10.07.2003թ. թիվ 867 որոշմամբ Գյումրու թիվ 4 և թիվ 12 միջնակարգ դպրոցների միաձուլման արդյունքում վերակազմակերպվել է «Գյումրու թիվ 4 միջնակարգ դպրոց» ՊՈԱԿ-ը, որն այժմ ունի հիմնական դպրոցի կարգավիճակ: Հաստատության իրավաբանական գրանցումը կատարվել է 21.08.2003թ.-ին, իսկ կանոնադրության նոր խմբագրությունը հաստատվել է 2025թ. հունիսի 27-ին: 2025 թվականից դպրոցն իրականացնում է նաև նախադպրոցական կրթական ծրագիր: ՀՀ Շիրակի մարզպետի 24.11.2025թ. N 678 որոշմամբ հաստատության տնօրեն է նշանակվել Ալեքսան Այվազյանը: Դպրոցն իր գոյության ընթացքում տվել է հազարավոր շրջանավարտներ, որոնք իրենց ներդրումն ունեն երկրի զարգացման տարբեր ոլորտներում: